德國喺周日世盃外歐洲區C組強陣作客阿塞拜疆，結果19分鐘就憑舒賀爾尼接應祖拿斯赫達傳中撞入領先1:0。雖然阿塞拜疆喺30分鐘憑效力德乙奧厄嘅翼鋒拿薩洛夫扳平。不過，湯馬士梅拿同馬里奧高美斯之後各入一粒，加上舒賀爾尼喺80分鐘再建一功，德國大勝4:1，五戰全勝得15分排榜首；同日主場2:0擊敗挪威嘅北愛爾蘭五戰得10分暫列第二。