人氣韓劇《鬼怪》男主角孔劉於劇中man爆保護女主角，即時上位當新一代男神。不過每個男神都總有啲黑歷史，加上韓國男星最愛於節目及劇中穿女裝，孔劉都當然唔例外。
孔劉於2001年出道，出道初期佢就曾穿女裝扮學生妹。於網民翻摷嘅照片中，就見到oppa戴上長假髮及化上濃妝，非常風騷地照鏡，之後仲撥一撥頭髮表示: 「我唔係學生，係女學生。」Oppa更低頭怕醜地笑，真係好入戲!
另一張照片係佢穿上短校服裙嘅背面照，網民就留言笑指oppa對腳，望落都幾似女仔。
唔知佢5月來香港開見面會時，會唔會跟大家重當時穿女裝嘅故事呢？