阿歷斯山齊士真係好快，唔係講佢跑步，係講佢揸車，快到超晒速，被即時釘牌。呢位阿仙奴鋒將呢幾日返咗去智利，準備禮拜二對委內瑞拉場世盃外。唔知係咪趕時間啦，山神喺智利首都聖地牙哥一條車速上限每小時120公里嘅公路度，開到每小時155公里咁快，結果被警察截停。山神唔係俾人抄牌咁簡單，警察係直接沒收佢駕駛執照，即時停佢牌。山神仲要喺下個月12號返智利上庭。