謝安琪（Kay）上周四為張繼聰誕下小公主張靖（Karina），昨日Kay終於可以出院，張繼聰帶同兒子張瞻一齊到沙田仁安醫院迎接Kay和Karina回家。一家四口，揀了全黑的家庭裝，連初生B女Karina的服飾都是黑色。剛剛誕下細女的Kay化了一個淡妝，水腫仍然未退，精神卻不俗，Karina則睡得正甜。Kay被問到康復情況時，她笑笑口說：「康復情況OK呀！」
每日瞓兩個鐘
一家之主張繼聰負責接受傳媒訪問，他表示連日來要照顧Kay，又要開工，十分忙碌，之後他都會如常工作，問阿聰會否多點抽時間照顧家人？他笑說：「我嘅餘生都係照顧佢哋，等一陣會送小朋友返去，好多嘢都要settle down，所以今日唔使返工。𠵱家每日都係瞓得兩個鐘，雖然辛苦，不過都唔及太太又要餵母乳，要盡量抽時間照顧太太，返屋企好似做番新手爸爸咁，手忙腳亂。」
至於Kay暫時不會復出，會專心湊女，阿聰說：「今次有請陪月，上次就冇請，今次Kay開刀生，第一日個傷口都好痛。其實自然分娩都各有千秋嘅痛，雖然Kay動作有啲慢，不過心情好好。」
雙眼皮似哥哥
問到B女Karina似哪一個？阿聰指Karina似哥哥，將他們初生的相比較，完全分不到，阿聰說：「問我就梗係想佢似我老婆，初初見佢個樣都好混沌，呢幾日就見到佢雙眼皮，幾似我個仔，我老婆都話似個仔。」在Karina出世前，阿聰都擔心哥哥張瞻的反應，但當他見到兒子抱妹妹Karina時表現溫柔，又叫妹妹不好喊，阿聰說：「見佢咁溫柔，真係老懷安慰。」
採訪、攝影：張俊銘