上年12月，人稱十三少嘅韋達去咗西澳珀斯策騎Scales Of Justice應戰雅士閣馬場京士頓城經典賽（1800米一級賽），點知因為疑似睇錯終點線提早收韁，最終於以0.1馬位屈居亞軍。結果韋達俾當地馬會重罰停賽一個月，本來佢有諗過上訴，不過隨後都認命打消念頭。
正所謂一百歲唔死，都一定有新聞出現，剛周五（24日）英國紐百利馬場，發生一單同十三少一樣嘅「意外」。
業餘騎師James Ridley策騎10歲嘅Lookslikerainted，出戰九匹馬列陣嘅4805米大長途賽，呢對人馬組合進入最後階段，依然遙遙領先，幾乎贏硬。不過呢位業餘騎師就同十三少一樣，犯下嚴重錯誤，以為自己已經衝過線點，竟早於終點前百幾米將座騎慢慢收停，結果如「龜兔賽跑」般俾兩匹賽駒趕過，只得第三名，當地馬會因而判罰佢停賽28日。
Lookslikerainted練馬師Martin Wilesmith表示：「雖然我對賽果有點失落，但對比近日英國國會大樓外的恐襲事件，只是微不足道。」騎師James Ridley就在社交網絡平台對其表現致歉。
圖片來源：Twitter