一連三場的「達明卅一派對」演唱會前晚圓滿結束，到場欣賞的嘉賓包括林二汶、何韻詩父母、蔡一智夫婦、陳志雲、林夕及立法會議員梁國雄和陳淑莊等。
「香港人好飄泊」
達明完騷在後台受訪時，被問到在演唱會上講到和諧，是否希望新特首可以帶給香港和諧，明哥表示：「正如台上所講，希望所有香港人都會自愛，咁先會有希望，唔好放棄自己，希望唔係人哋賜畀我哋，因為我哋係人，唔係奴隸，所以要靠自己。」
當唱到《今天應該很高興》這首歌時，台下觀眾主動開電話燈，場面壯麗，明哥表示：「其實之前兩日唱呢首歌嘅時候都覺得好感動，因為香港人𠵱家真係好飄泊同好辛苦。無論個世界係點，都要不失快樂嘅能力。」對於昨日特首選舉，他表示：「我瞓醒就已經選咗㗎喇，因為都係得千幾人嘅票，呢啲大鑼大鼓、假戲真做選出嚟嘅人，其實唔係賜畀我哋幸福嘅人，因為幸福係自己尋找同製造，唔使等聽日，其實個社會𠵱家已經撕裂咗好耐。」
此外，何韻詩前晚與緋聞女友方迦南現身達明騷後台，事後方迦南擺了照片上社交網，看來兩人都不介意大方公開關係。
採訪：王連連
攝影：陳俊強
