「薯片叔叔」曾俊華曾經講過，「我成個lifestyle都係中產，飲咖啡嘅人係中產，或者鍾意睇法國電影嘅人係中產。」薯片叔叔13歲時和家人移民美國，連口味都偏西化，他曾在網誌教人整火雞，每逢感恩節和聖誕節都會吃火雞，糯米飯釀火雞更是「曾氏名菜」。每逢到美國公幹，都會去吃美國人所謂的comfort food：肉丸湯及美式三文治。他以前最愛請人到中環和記大廈的Madison's Restaurant吃飯，結業後就轉去HK Club，一樣是吃西餐。
可能怕自己太離地，宣佈辭任財爺冇耐、未獲阿爺批准to run的薯片叔就被野生捕獲，和太太、政治助理阿聰在深水埗合益泰一起嘆腸粉。這間小店七蚊四條腸粉最出名，成日排長龍，雖然有做騷之嫌，但明顯有做過功課。宣佈參選後，落區大部份吃的都是平民嘢，到黃大仙冬菇亭食豆腐火腩飯，盡顯男人浪漫，但佢就話50蚊的碟頭飯不算便宜。又到土瓜灣粥店老字號新興發吃粥，店的懷舊布拉腸粉和炒麵都有水準。到九龍城老字號公和時，更巧遇發哥，指定要吃豆腐花。不過，做騷還做騷，都要讚吓佢到過不少年青人開的餐廳，像甜品屋糖室 、文具café TOOLSS等等，主動和年輕人拉近距離，又追得上潮流。
要數他最愛的一定是美食車美食。他曾說過：「美食車嘅概念，可以令到香港市民更加有創意，做到有趣嘅事。」要做到這件有趣事，你要首先至少有60萬元。上個月落區時，他更到尖沙嘴美食車幫襯忌廉菠蘿包，不過都幫不到幾多，有店主就大吐苦水說蝕到入肉，又有美食車宣佈收檔，似乎如意算盤打不響！
記者：何嘉茵
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily
