英國萬人迷碧咸（David Beckham）日前旋風襲港，出席保險業嘅誓師大會。前晚佢喺IG同facebook貼咗條約32秒嘅短片，以快鏡剪輯咗呢兩日喺香港嘅遊蹤，並留言「Great 48 hours in China」，再附加一個心心圖案。此帖唔夠2小時已吸引逾千個留言，同時卻成為另一個「戰區」。有人溫馨提示碧咸，話佢所指嘅中國，除非網民翻牆，否則係唔可以睇到佢嘅留言同短片。亦有人留言指香港就是屬於中國的。而碧咸就喺出帖約16分鐘後，突然將「China」改成「Shanghai and Hong Kong」，算係平息咗一場公關災難。