特首選舉塵埃落定，在北京全力向建制施壓下，林鄭月娥以777票當選。建制派無不認為今次顯示建制派團結，認為有助林鄭施政，但有民主派選委認為，北京表面上團結建制派，實際上進一步分化香港，將一班原本仍相信北京的市民推向反北京陣營，當中不乏反佔中「淺藍」人士，「原本呢班人對習近平、北京仲有幻想，𠵱家乜幻想都冇晒，好多人喺網上話，今年7.1一定上街『歡迎』習來港」。
淺藍絲：7.1一定上街
該民主派選委指，曾俊華是前財政司司長兼民望最高，但整個特首選舉中，北京用盡一切力量打壓曾，「當中難睇嘅程度，連好多支持建制派市民都話睇唔過眼」，事實上支持曾市民中不乏一些少關心政治、非「黃絲」、甚至反佔中「淺藍」人士，他們曾以為北京會尊重民意，接納曾俊華，換來的卻是北京對曾更大打壓、甚至攻擊他是民主派同路人。
另一名挺曾專業界人士指，他有不少非民主派朋友也對曾落選十分不滿，「噚日（前日）就有個立會選舉時投建制派嘅人WhatsApp我，話以後唔再支持建制派，更加唔再信習近平、北京，仲話今年7.1約埋一齊上街」。他指在北京控制下，這班人不可能「同北京死過」，但可以肯定北京今次又將一班港人推向對立面，「除非取消『一國兩制』，否則呢班人一定用盡兩制空間抗衡北京，北京更不可能令民心回歸」。
季陶
周一、三、五刊出