現年42歲嘅劉愷威，94年加入無綫拍長壽劇《真情》，但十年間都係做閒角；至直05年首度擔任做男主角，但拍完《甜孫爺爺》之後就離巢。轉戰內地，劉愷威即刻有運行，憑《千山暮雪》中飾演嘅莫紹謙一角走紅，更躋身內地當紅一綫小生行列。
不過人紅自然是非多，近年經常有指劉愷威曾經變臉。睇番《真情》時候嘅相，劉愷威仲係單眼皮、鼻頭好圓，眼眉濃密，好有青澀少年嘅稚氣。但到01年拍《皆大歡喜》時，劉愷威嘅鼻已經好始變直；近年更有「翻版林峯」之稱，除咗有好深嘅雙眼皮，鼻同臉形都同以前有大差別，前年劉愷威接受黎芷珊主持嘅《最佳男主角》訪問，談及近年大家對佢嘅容貌議論紛紛，話佢有整容之嫌，劉愷威亦唔避忌作出回應：「總之冇加過嘢，冇攞走過嘢，冇開過刀，就係咁樣。」
而愷威嘅太太楊冪多年來亦被受整容傳聞困擾，曾有報道指楊冪眼睛、鼻子、臉頰、下巴都疑似加工，楊冪回應時表示自己出道後拔牙，先令樣貌有所改變，令網民嘖嘖稱奇。