智利球星阿歷斯山齊士上周五返咗家鄉托科皮亞，出席自己嘅「山神像」揭幕儀式（圖）！呢個銅像相當威武，見到呢位射手着住智利波衫，雙手叉腰，而側邊仲有佢拎過嘅獎盃，最重要嘅當然就係美洲盃啦！後面仲有幾個牌，全部都係效力過球會嘅會徽，包括河床同阿仙奴。不過威還威，有報道指佢喺上周四智利不敵阿根廷後，又發脾氣，搞到唔少智利隊友都唔多妥佢囉！
