劉愷威同楊冪年齡相差12年，兩人3年前喺峇里舉行世紀婚禮，點知婚後兩人經常分隔兩地開工，添上好多波折，久唔久就傳出佢哋離婚嘅消息。
於15年底，楊冪被指與內地影星李易峰因拍戲撻着，繼而傳出佢同劉愷威婚姻現危機，兩人多次發聲明否認，直至翌年6月，劉愷威到香港機場接太太機，婚變傳足半年先同場出現，不過當時兩人貌合神離，冇拖手同攬攬。
再到16年底，劉愷威被指同內地女星王鷗趁住拍劇空檔，半夜約埋睇電影，之後再有傳媒影到劉愷威入咗王鷗間酒店房4個鐘。劉愷威強調係為咗「溝通劇本」、兩人係「正常友好的工作關係」，而楊冪就第一時出嚟話相信老公。