【本報訊】曾與林鄭同期在港府服務的前政務司司長陳方安生，接受《蘋果》專訪時指，林鄭雖然為官多年，但不懂得人際關係和溝通的重要，又引述至今在任的政府官員形容與林鄭合作非常吃力，指「佢（林鄭）近年似乎鬧人更變本加厲」，令不少與她合作的官員意興闌珊，「佢不嬲畀人的印象，都係自視過高」，預料政府未來5年施政，將舉步維艱。陳太又相信作為一個好領袖，「唔係你好打得就得」，讓下屬感到上司重視其意見同樣重要。
曾任職社會福利署署長的陳太表示，早已聽過與林鄭在社署共事官員對其處事作風有意見，不滿她事事插手，「佢覺得好多崗位可以自己一手做晒」。
只識鞭策 少聽意見
一些仍在任的官員亦曾向陳太吐苦水，覺得與林鄭合作非常吃力，因為她只識「鞭策」，甚少聆聽意見，近年鬧人作風更是變本加厲，「任何一個好嘅領袖，都要有幾分謙遜……但佢分明擺出嚟嘅姿態，係唔鍾意聽、唔會聽、亦唔會理會」。
陳太質疑林鄭雖為官多年，但一直不懂人際關係及溝通的重要，亦欠缺政治觸覺，這些缺憾完全反映在林鄭的選舉工程，「否則唔會出現咁多蝦碌事件啦」。陳太認為林鄭當選後必須反省，「點解佢由一個幾有民望嘅政府高官，跌到今日咁多人反對佢，佢要撫心自問，究竟自己有邊度做得不足？有邊度需要改呢？」
■記者林俊謙
A9 陳方安生：鬧人變本加厲、官員難合作、自視過高、施政將舉步為艱
tag 林鄭月娥, 好打得, 陳方安生