身價高達1,300萬港元，今季初勝出谷草二班賽之「瑰麗傳奇」，早前右前腿受傷，如今已經康復，本月開始恢復快跳投入操練。而同主已退役的四捷馬「卓爾名駒」未知近況如何呢？
「卓爾名駒」馬主文壽強透露說：「大隻仔(『卓爾名駒』)因腳傷退役，我自費將牠運往澳洲，再用5,000元澳元託當地牧場好好照顧牠。牧場把大隻仔交到一位Sophie Fox女士手上，她是跳欄好手。大隻仔現時健康良好，仲學識跳欄，姿態好優美呢！」
文壽強續說：「Sophie對我透露，大隻仔會是一匹出色的跳欄馬，仲話希望參加東京奧運，如果真是成事，我會親自去東京支持牠。Sophie話大隻仔在澳洲馬術圈子中有好多人錫，有個新花名叫Piggy(『豬仔』)，我十分開心大隻仔可以成功轉型做跳欄馬，最緊要是牠現時健健康康。」
大隻仔「卓爾名駒」服役時在港由1200贏至1800米，田草、谷草及泥地均曾建功，以性能廣泛見稱，估不到跳欄都掂，認真多才多藝。