上月先滿26歲嘅香港單車主將張敬樂，噚日喺將軍澳香港單車館舉行嘅香港場地單車錦標賽，出戰四公里個人追逐賽同30公里記分賽，結果得到兩個亞軍。阿樂上年底參加咗環上海賽，但唔好彩衝終點前，因為衝力太大而車撞車，證實係背肋骨骨裂；𠵱家佢要慢慢復元，但都無阻力爭下月世錦賽記分賽金牌嘅決心。