國際賽如火如荼，連中超都休戰，唔少頂級外援都搵地方去吓，河北華夏幸福中場靴蘭尼斯，就喺個人ig鋪相話自己去咗香港旅行。嗱，雖然靴蘭尼斯今季由祖雲達斯轉投華夏幸福，據報就有700萬歐元（約5,800萬港元）年薪，不過就好貼地，嚟到香港都係搭地鐵，大家呢幾日不妨去旅遊區搭地鐵，睇吓撞唔撞到佢啦。