上周六澳職尾場，由第四位嘅布里斯班獅吼，主場對第二位嘅墨爾本勝利。獅吼下半場靠前鋒占美麥卡倫一箭定江山，以1:0勝出，全取三分之下，雖然以得失球差不及墨城排第四，不過領先第七位嘅鳳凰13分，穩獲季後賽資格。相反勝利輸波後，連些微追趕榜首FC悉尼嘅機會都冇埋，FC悉尼亦提早四周獲常規賽一哥。