投票前夕，有票在手嘅人通常特別敏感。「逆市」提名薯片叔嘅金融服務界選委詹劍崙（Ricky），最近發現自己嘅facebook個人賬戶同專頁都被block，懷疑有人因為佢分享政見而投訴佢，大呻係政治迫害喎。
Ricky話被block前，share咗佢接受傳媒訪問嘅片段，冇裸露、冇暴力，但卻登入唔到，最近則只係出post不點名話人冇腰骨，估計可能有心人集體向fb投訴喎。佢話聯絡唔到fb客服，之前fb則要求過Ricky證明自己身份，佢話都知道呢輪有啲唔尋常喎。
八方試過，Ricky個人fb賬戶的確入唔到，顯示為「很抱歉，目前無法提供此內容，你前往的連結可能已過期，或是你不屬於該頁面限定的分享對象。」周日前夕唔知會唔會再有更多同類事件發生？