高爾夫球比賽要打足4日72洞，唔係個個球迷都識得領略箇中之美，膚淺啲諗，如果有《Playboy》索女做球僮，係咪唔會恰眼瞓先？
唔係FF架，23歲PGA新秀格拉臣梅禮（Grayson Murray）日前喺twitter tag咗《Playboy》女郎彼拉絲（Lindsey Pelas），問如果自己贏到侯斯頓公開賽，從而攞到大師賽資格，佢肯唔肯幫手喺3桿賽做球僮？ 結果彼拉絲爽快say yes:「當然啦！」頓時令梅禮士氣大振：「Ayyyy!睇嚟我而家充滿動力啦！」
其實3桿賽作為大師賽嘅熱身環節，之前都有唔少出名球僮，好似北愛爾蘭高球手嘅前女友、網壇「丹麥甜心」禾絲妮雅琪。不過，各位花生友唔使開心得咁早，因為梅禮近排手風欠順，連續5個比賽make唔到cut，想躋身4月6日開打嘅大師賽，唯一機會就係3月30日開波嘅侯斯頓公開賽贏冠軍！想睇彼拉絲執波？大家就要幫梅禮集氣啦。