南韓人熱愛足球，職業球員喺國內社會地位唔細，特別係國腳，好似之前安貞煥、宋鍾國等，都娶咗明星老婆；以現役國家隊嚟講，中場奇誠庸明星太太韓惠珍，都算係又靚又出名。
韓惠珍之前主演《你的星星》、《加油！金順》等劇集爆紅，奇誠庸之後上綜藝節目《Healing Camp》見到韓惠珍，已經一見鍾情，之後仲大膽咁節目大膽示愛添。奇誠庸長期喺英國搵食，不過兩人最大問題反而係年齡，喺注重輩份嘅南韓，韓惠珍大奇誠庸8年，呢個姐弟戀起初都不為兩家父母支持，韓惠珍仲因為壓力一度提出分手，好彩奇誠庸用越洋短訊成功感動到佢，13年兩人宣佈結婚，一年後韓惠珍仲生咗個女，宜家亦都退出娛樂圈，長期定居史雲斯，照顧奇誠庸起居飲食。