新一代餐飲業老闆想推廣中菜同點心，紛紛將點心「摩登化」，擺脫茶樓老土形象。太古廣場（PP）上月新開「Dim Sum Library」，名字摩登，入面裝修又黑麻麻，型格味十足。
每次行過Dim Sum Library，都冇行入去嘅憧憬，皆因裝修太型太黑，但作為潮人，點都要試一次。呢度真係乜都黑麻麻，就連杯碟碗筷都全黑，真係型到一個點。
裝修得咁型，當然唔係食普通點心喇，呢度師傅將西方食材融入點心，好似有鵝肝芋角（58元）、黑豚肉叉燒（198元）、黑松露蝦餃（48元）、黑菌手撕雞（半隻195元），手撕雞香氣撲鼻，肉質嫩滑，可以一試，不過味道偏濃，食完想飲可樂。
【跟潮食Map去搵食】
手機用戶請按: http://bit.ly/CentralFood