曾俊華今次特首宣傳手法各方叫好，八方估唔到連出名多橋嘅電影界，都要向薯片叔叔拍嘅宣傳片「致敬」，抄橋拍香港金像獎宣傳片。噚日金像獎喺facebook貼咗張相，有位仁兄拎住部iPad遮住塊面，同名人拍片撐薯片叔條片一樣，但只要細心睇就知係暴龍哥鄭中基！原來佢係今屆金像獎司儀！而暴龍哥條片同薯片叔條「拍住上」宣傳片幾乎一模一樣，只係內容係暴龍哥對金像獎嗰女神獎座深情剖白，連條片都叫「女神x鄭中基 拍住上」。
條片上載唔使一個鐘，薯片叔就迅速留言回應：「支持香港電影，希望大家能繼續和一眾有心有力的電影工作者一同拍住上。」而金像獎呢就喺下面留言抽水：「金像獎真係 #一人一票 㗎曾生」。