【本報訊】巴西黑心肉令市民人心惶惶，有市民即時停買及轉食新鮮肉類，更料買餸開支升四成，亦有市民轉食其他國家肉類，「食住美國（肉）先囉」，其中旺角街市部份美國產品價格與巴西產品相若，以雞中翼為例，兩者同售16元一磅。有餐廳食客認為外出用膳避無可避，惟有少吃。
旺角露天街市多間凍肉店仍賣巴西凍肉，室內街市也有檔販標明雞、豬、牛等皆來自巴西，檔主顏先生強調凍肉無問題，「（港府到時）叫落架咪落架囉！」新鮮肉檔檔主梁太稱，昨日買肉人流下跌，「啲人驚吖嘛」。
超市凍肉未列產地
連鎖超市方面，昨日所見巴西肉貨架已被清空，亦無相關存貨出售。但記者發現肉類標籤資料差異大，例如有凍肉詳細標示製造地址，另一產品只列包裝地址，卻不標明產地，當中預先醃製新鮮肉及冰鮮肉情況尤其普遍，消費者難知凍肉來自何方。
凍肉常客鄧小姐說暫會停買巴西凍肉，「食住美國（肉）先囉；或者食少啲肉健康啲，我一向要睇產地先買」。市民陳小姐指今後不買巴西肉，轉購較貴的新鮮肉，料開支要多四成。
不少茶餐廳聲稱食材無用巴西肉，不過食客呂先生指，外出用膳一般不知道餐廳使用的肉類產地，誤吃黑心肉不足為奇，「就算餐廳有用都唔會察覺到，問又唔會如實答」。他指今後會減少出外食飯。
市民如要買肉替代巴西產品，超市凍肉仍有加拿大、澳洲、丹麥等產地肉類，不過價格較貴，以無骨豬扒為例，巴西貨賣30.9元，丹麥貨要37.9元；急凍巴西牛柳粒一磅售35元，美國安格斯牛肉粒售39.8元。不過旺角街市售價顯示，部份美國產品價格與巴西產品相若，以雞中翼為例，兩者同售16元一磅。
■記者梁佩珊、袁楚雙