49歲的蘇永康大前日榮升老竇，兒子重6.11磅，英文名叫Jazz，昨在醫院陪妻兒的康仔笑說：「全世界關注佢似我定似媽咪！似我就當然出現少少問題，好難講，十多年後可能似我先係靚仔呢。我媽話，你爸爸玩爵士音樂，何解不叫Jazz？偉大的uncle Eason Chan（陳奕迅）已經叫佢蘇爵士。」
康仔透露親自幫囝囝剪臍帶：「BB右腳出先，醫生要拖佢出來，頭嗰兩分鐘出嚟冇乜嘢聲，醫生叫我抱佢，我咪坐喺度唱歌畀佢聽，佢可能喺肚聽慣我把聲，一聽就開始面色紅潤。」康仔謂剪臍帶是一生難忘：「唔會再有第二次，因為冇諗過生第二個，都繼後香燈啦，本來做多5年就嘆住過人生，𠵱家佢出咗來，起碼做多20年啦！」
撰文：皓騫
