薯片叔玩fb玩到出神入化，連向來喺內地實施網絡封鎖嘅大陸政府，都不得不跟風加入fb宣傳熱潮，外交部駐香港特別行政區特派員公署最近就突然開咗fb，話中國已經成為世界「線民」第一大國，「（fb）為我們的公共外交工作插上了翅膀」，仲歡迎廣大「線民」同公署賬號互動，稱公署會積極回應「線民」關切喎。公署喺星期二隆重其事舉行咗個「臉書官方賬號開通儀式」，由3名特派員，包括署理特派員佟曉玲、兩位副特派員胡建中同宋如安特別舉行開通儀式，齊齊撳掣發出第一條貼文，唔講真係誤以為搞緊神舟N號升空儀式㖭呀。