發展商賣樓，最鍾意派出自家「樓神」加一兩名資深同事，一齊拎住塊廣告版畀傳媒影相，來來去去差唔多，會德豐（020）近日推售將軍澳新盤都有呢招，不過會德豐地產常務董事黃光耀就搵來幾位省鏡嘅售樓部女同事做人肉佈景板，都幾吸睛。聽講幾位靚女同事平日主要喺售樓處負責講解樓盤同開單之類。