禮拜三晚（22日）谷草賽事將採用C跑道作賽，睇番最近2月15日同一移欄賽事，總共有六匹頭馬守前兩位入直路建功，其中「海之濤」、「琪麟穎」、「精算率然」及「包裝騎士」更加放頭帶到，明顯見到於此欄作賽的形勢為利放唔利追，具前速馬匹值得優先留意。
今次列陣馬中，爭逐第七場一班1800米的「包裝騎士」，曾三次角逐谷C欄全勝，此駒贏完而其練馬師姚本輝等回同一移欄再跑，有力捧走此仗的跑馬地銀瓶。
另外，練馬師鄭俊偉派「皇龍寶駒」出征頭場五班1650米，此駒曾三次跑谷C欄一哩均上名，上仗於沙田1800米得第四，已見復蘇，重返強項有機會贏馬交代。