【本報訊】器官捐贈以生命延續生命，令病危者重獲新生。香港移植學會昨舉辦器官受贈者感恩大會，向器官捐贈者及其家屬致謝。趙恩悅兩歲時因肺炎鏈球菌的併發症，嚴重破壞腎臟，每日需花12小時洗肚。其父母因血型不脗合，無法捐腎救女。苦候4年，恩悅終獲換腎，重拾健康的她現正學習小結他，更希望到日本旅行。
記者：李詠希
趙恩悅母親說「起初病發，個囡住咗半年醫院，但估唔到條路係咁長」，女兒兩歲時感染肺炎鏈球菌，引發併發症，導致腎臟嚴重破壞，需換腎救命。趙太說，恩悅自兩歲半起每日要花12小時洗肚，傷口亦容易發炎，令她感自責和心痛，「一發炎就要入醫院做兩星期治療，啲藥係『揦揦』哋，佢話好痛，望住佢又幫唔到佢，又唔可以停咗部機……佢嗰種痛真係等於生仔十級咁痛」。
趙太說，恩悅因病影響，每星期只能上學一天，除了功課堆積如山，亦受到不少旁人目光。為了照顧恩悅，趙太轉做兼職，也花了不少醫藥費，全靠女兒和信仰令她堅持下來，「佢唔會同我講，但有時公公婆婆睇住佢，佢會話『唉，冇辦法啦，我呢個病』……佢好懂事，試過畫畫送畀我」。
趙太稱與丈夫原想捐腎救女，惟二人血型不合。苦候4年，恩悅去年7月終獲有心人捐腎，重獲新生。趙太說，恩悅之前因病臉黃和較矮小，換腎後長高不少，體重也有上升，臉色變得較紅潤，「𠵱家可以做番正常小朋友，好感恩」。她說，女兒正學習小結他，7月將舉家旅行慶祝。恩悅則說喜歡多啦A夢，盼能到日本遊玩。
換心男：多咗種性格
另一器官受贈者的59歲陳伯傳，少年時移居加拿大，38歲時突然咳血，經照肺後才發現感冒菌入心，兩個月內心臟發大3倍。後來回香港就醫，情況卻一直轉差，氣喘越來越嚴重「（前年）一個街口都行唔到，連續講三個字都唔得，醫生話再唔換心，條命得番唔夠一年」。
陳去年成功接受心臟移植，「好似有另一個人喺我心度，多咗種性格咁，亦都感性好多，呢種感覺喺麻醉藥過咗嗰陣最強烈」。陳說，雖然未見過捐贈者家屬，但「大恩不言謝」，期望以自己的故事，鼓勵更多人主動簽器官捐贈卡。
