【本報訊】戲院營運商看似風光，實際上動輒投資逾千萬元，票房收入先與片主對分再扣除其他開支，每年賺取利潤不算豐厚，回本期分分鐘可長達7年。
訪問當日走入黃埔的嘉禾戲院，先經過一條黃白光管交錯閃爍的電梯通道，具設計感的裝潢、數十萬元一部投影機、再配備靚音響和座椅，橙天嘉禾（1132）首席營運官鄧小慧坦言，「起一間戲院一啲都唔平」。嘉禾在粉嶺的新戲院去年剛開，僅設兩個影院，投資額已需1,200萬元，有6個影院的奧海城the sky投資更達5,000多萬元，所以一間戲院的回本期至少4至5年，長則7年。
票價約70至90元，當中院線有幾多可落袋呢？鄧小慧指，票房收入首先要與片主對分，「嗰度已經差唔多分咗你一半，跟住你又要交租、燈油火蠟，其實每一張飛我哋戲院可以賺嘅錢，唔係好多。」
嘉禾非走平價戲院路線，近年旗下戲院大部份配置D-BOX動感座椅，定位向中高檔發展。鄧小慧笑言，「淨係張凳都3萬幾蚊，老老實實。」即使這類座位票價貴數十元，亦有捧場客。「有班客係完全接受得到，同埋睇完之後佢哋返唔到轉頭，一定會睇返D-BOX。」她表示，戲院投資確實龐大，但也不會為縮短回本期，隨意提高票價，會視乎每區承受能力去定價。