【本報訊】文憑試（DSE）快開考，曾患腦積水的曾靝賜放下傷健馬術代表隊身份專心備戰，獲批准用放大試卷應考；軟骨發育不全的黃天祐寫字不靈活，期望憑毅力克服障礙，「只要有心，肯努力，世界上係冇嘢難到我」。
「始終考試係我將來」
曾靝賜自小患腦麻痹，其視力、記憶力亦較弱，雖獲考評局批准使用A3尺寸試卷及答題簿，惟學習的時候仍然有一定困難，「平日讀書最差係生物科……因為好多圖，要放大先睇到」，「讀極讀唔識、記唔到」，他卻從未放棄，「慢慢睇，繼續睇，總會睇到」。
曾於殘奧贏得團體亞軍的靝賜現時上午補課，下午自習，已向馬術隊「請多咗假」，將重心放於DSE，「要知道邊樣嘢緊要啲，騎馬只係興趣，始終考試係我嘅將來」；他更引用母親的勸勉自我鼓勵：「成績唔係所有嘢，最重要係考完派成績番嚟時，睇到自己有冇盡力」。
另一名考生天祐患先天軟骨發育不全，身高僅130公分，「寫字會冇咁靈活，坐得耐都會攰」、「平日寫半個鐘到就攰」。天祐雖獲增加兩成DSE考試時間，但未敢怠慢，除報讀兩班補習班，文具亦選用「長啲粗啲嘅筆」，積極備試；天祐又以座右銘鼓勵自己，認為「只要有心，肯努力，世界上係冇嘢難到我」，對考試信心十足，期望入讀大學電腦系，修讀網絡安全相關科目。
■記者葉偉東