高盛喺華爾街最好pay大家都知，但呢隻歌仔以後可能冇得唱嘞，因高盛已調整薪酬計劃。
根據《金融時報》報道，高盛日前宣佈，2016年開始行政總裁（CEO）年薪只得20%係現金，80%係與業績掛鈎嘅股票同花紅，簡言之，如果高盛行政總裁Lloyd Blankfein想嗰年人工高啲，就要喺業績上揮低大摩、摩通、德銀等8間主要投行對手先得。
根據新準則，Blankfein舊年年薪微跌4.5%至2,100萬美元（1.6億港元）；舊年12月辭職、走去幫美國總統特朗普做經濟顧問嘅前總裁Gary Cohn亦減薪4.8%，至2,000萬美元（1.56億港元）。雖然話減，但佢哋年薪依然億億聲，羡慕死好多人呀。