3.26特首選舉當日，選委投緊票嗰陣，冇票嘅市民做緊咩？藝術家黃宇軒嘅團隊發起「直播機：沒有票的香港」計劃，呼籲冇份選特首嘅市民，喺3.26朝早網上直播眼前景象，反映票站外嘅另一個香港。
即時剪輯交予傳媒
黃指以全港約380萬選民計算，只有1,194名冇資格代表市民嘅選委選特首，僅佔0.03%，所以想透過「直播機」抗議小圈子選舉。
市民喺3.26朝早9至11點、即投票時間，喺facebook直播，片長不限，配上hashtag「#1194only」，佢哋仲會即時剪輯再經傳媒轉播，佢哋希望參與人數至少多過選委人數，等更多外國朋友知道香港到𠵱家仲未有真普選。
佢同打氣小隊仲整咗網上「生成器」，鼓勵網民舉例有乜嘢係多過選委人數。有網民就話選委人數少過「中華白海豚」，亦有人話仲少過「我女神啲兵」，引嚟熱烈討論。生成器： http://addoilteam.hk/1194only/