戴cap帽，再戴埋件褸嗰頂，加多副黑超，應該冇人認到嘞啩？Sorry，全世界都認得你囉！美斯日前同未婚妻安東莉娜帶兩個囝囝去巴黎迪士尼玩，雖然佢包到自己實一實，但安東莉娜就冇遮冇掩，所以好多遊客都認得出美斯一家，係咁搵佢合照。美斯仲撞到熟人巴黎聖日耳門中場馬高華拉堤，可能華拉堤諗住散吓心啦，點知又見到「仇人」囉。