吳婉芳日前去嗰間香薰蠟燭店The Candle Compay，已經創立咗15年，創辦人係一位外國人，專長係研製香薰蠟燭。
老闆話自己好愛香港，仲想製造一種香港獨有嘅味道，有次佢見到一位婆婆賣緊白蘭花，靈機一觸就創作出白蘭花味香薰蠟燭。其他創意造型嘅蠟燭，仲有香港人最愛嘅麻將同兵馬俑等等。
呢間香薰蠟燭店喺港九新界有唔少銷售點，遠至泰國、印度、新加坡，甚至法國都有得買。近年不時有香港媒體介紹過佢哋嘅香薰，13年甚至有日本時裝雜誌推介做手信！
The Candle Company嘅產品都算大眾化，由$50一個嘅香薰蜂蠟杯燭，到$499嘅香檳連玫瑰杯裝蜂蠟蠟燭都有。
另外，店舖都有賣用作芳香治療嘅精油，研究香薰治療多年的理工大學康復治療科學系教授曾永康曾喺《蘋果》訪問中表示，香薰可以舒緩抑鬱、焦慮等情緒症狀，甚至可以幫助入睡。不過唔同嘅香薰精油有各種功效，使用前最好問一問治療師，咁就用得安全喇。