陳展鵬日前被本報拍到跟去年落選港姐單文柔摸黑上山頂約會開餐，戀情曝光後，男方粉絲去女方的Instagram留言鬧爆，兩位當事人亦立刻被無綫高層樂易玲「照肺」。昨早陳展鵬現身機場去北京拍劇，問他是否真的和單文柔拍拖？他說：「你哋都睇到段報道啦，呢兩日啲報道都瘋狂咁洗版，C1啦呵……」
「得番兩日」
戀情曝光後，單文柔備受壓力，陳展鵬昨日解釋去山頂當晚不知被人偷影，他又叫大家看片時，應發現到他倆當時真的在吃東西：「大家都知我要去內地啦，因為得番兩日時間（見面）。佢係我stylist，嗰日佢幫我揀啲衫褲登台，佢一定要出嚟，同埋我真係要好多謝佢，佢係免費幫我。」
至於為何要買外賣上山頂共度二人世界？陳展鵬說：「因為當晚幫襯嘅餐廳冇位，我又遲到，又冇地方泊車，單文柔好好，等埋我仲負責買外賣。我哋喺車一路講一路傾，咁就去到某一個位置啦，如果大家睇到啲相，就知我架車係泊喺正中間，而唔係偏嗰啲位置。」
「係我疏忽」
問到現時想拍拖嗎？陳展鵬說：「冇諗過唔拍拖，我都係人嚟，但邊有時間啫！唔係一拍就結婚生仔，都要一段時間交往，今日整單咁嘅嘢，係我疏忽。佢係好好心地嘅女仔，睇緣份啦。」對於粉絲不太喜歡單文柔，陳展鵬表示：「件事發生咗冇辦法，大家明智啲，睇完啲相最爆都係咁，大家會明白。」問到有否向前緋聞女友胡定欣交代、胡有否生氣？他笑言：「有聯絡，佢仲話唔係咁黑呀？唔會嬲，我哋合作咁耐，大家清楚乜事。」
採訪：卓寶花
攝影：陳順禎