今年60歲的溫玉珍退休前的工作史，仿似由生到老的人生縮影。她由助產士到護老院副院長，因哥姊早逝提早退休，原擬享受人生，這個「新老」卻不肯言休，內地孕婦闖關潮，她奉命回巢鎮守羅湖，又自薦成為社企好好生活的銀齡大使，到長者中心主持健康講座，為與她年紀相若的老人介紹長者用品。
「趁仲有能力幫吓人」
剛公佈的統計處中期人口調查數據，過去10年本港的人口老化問題持續惡化，自言已是「老人家」的溫玉珍，直言可以慢慢老去，也是福氣。「我嘅哥哥，廿幾歲就有腸癌，走時未夠30歲；姐姐40幾歲發病，50幾歲去世」。
人生苦短，原本在屯門醫院做婦產科護士的她，未夠50歲就決定提早退休。「原本想享受人生，學人哋跳吓舞唱吓歌，但天生辛苦命，唔做嘢唔得」。已屆花甲仍保留一頭黑髮的她大笑。
港府實行雙非政策前，內地孕婦闖關問題嚴重，老早退休的她奉命加入救火隊。「實施新政策，唔使救火我咪走囉，坐喺度淨收人工係舒服，但浪費時間」。自言「唔知幾時死」的她，笑說正因「今日唔知聽日事」，更要過好每一天，不要浪費。如是者，每星期一三五教陪月班，二四六做銀齡大使，周六日有空就去耕田，生活比退休前更忙碌。「仔大女大，身體唔好冇辦法，趁健康仲有能力，幫吓人，做啲有意義嘅嘢，人都開心啲」。比年輕人更積極的溫姑娘說。