於2008年在中大畢業，9年間搬過6次，31歲的吳嘉倫，居住的足迹遍及大埔、觀塘和新蒲崗。住過4間劏房，由無𨋢唐8樓到有𨋢唐2樓，最短住1年，最長住2年，科大碩士生吳嘉倫的搬遷史，平凡又奔波，卻是無殼升斗市民的生活縮影。
「有時業主加租，有時因為想搬近啲做嘢嘅地方，慳返啲時間同交通費……兩、三年前已唔再買實體書，搬嚟搬去太麻煩」。嘉倫與女友租住的小單位，位於新蒲崗唐2樓，對正地盤和大馬路，須長期關窗，又毗鄰垃圾房。
學歷高不代表薪酬高
嘉倫笑言，就他住過的地方，這裏已屬筍盤。「起碼有房有廳，以前同女友住劏房，都係200呎左右」。
350呎的小單位，月租$8,500，與在非牟利機構工作的女友攤分，佔他現時收入約三成。「之前喺科大做教學助理，人工兩萬，依然讀返書，靠萬五蚊研究生津貼生活，加埋交學費，每個月都要倒貼一、兩千積蓄」。
「唔好話儲錢買樓，想讀書進修，為工作買多啲保障，人工連學費升幅都追唔上」。他稱已接受學歷高不代表薪酬高的現實，如沒女友攤分租金，除了劏房，小單位也住不起。
負擔重，為何堅持獨立生活捱貴租？嘉倫苦笑謂，父親只是小職員並已退休，沒父幹可靠，老家只是蝸居，住和進修，也得靠自己。
「屋企喺青衣，都係二、三百呎，我同家姐差一歲，大家大學都住宿舍，畢業搬返去，迫埋一間房唔方便，加上有女友，佢都要揾地方住」。2008年中大文化研究系畢業，第一份工是在中大做研究助理，月入$12,600，當時用三分一月薪租住120呎劏房，四分一畀家用，每月儲千多元，全用作半工讀首個碩士學位，買樓？遙遠得像地球與火星的距離。「我都想唔使搬嚟搬去，但現實係咁，有乜辦法？」嘉倫苦笑。