【本報訊】本報把懷疑自我抄襲的3篇論文交予資深學者檢視，認為3文相似程度雖未構成抄襲，但做法明顯不妥，「踩鋼線踩得好誇張」。其中兩本涉事的期刊《International Journal of Leadership in Education》及《School Effectiveness and School Improvement》則表示，覆核文章後認為無改變相關紀錄的基礎（no basis for a correction of the record），因此已經結案。
「冇理由唔識落齊註解」
理大社會政策研究中心主任鍾劍華表示，若學者的論文中，有部份文句或分析與以往的論文重叠，一般應該註明引用來源，以免瓜田李下；若無註明則屬不妥當，大學或會發出警告信。
一名資深社會科學學者看過3篇文章後形容，3名學者是「玩緊火」及「踩鋼線」，「以佢哋咁資深嚟講，冇理由唔識落齊註解，我好難相信佢哋只係唔小心」。他稱部份段落「相似到好似用電腦copy and paste咁，只係改少少字眼，點會似得咁緊要？」但他認為，自我抄襲的門檻很高，涉事論文未至於干犯自我抄襲，「但如果我係校長，我會好認真地警告佢哋，唔可以再犯」。
■記者陳建平