【本報訊】參與昨日在政總外停泊的司機朱先生指，專營的士計劃將分化行業，又認為各行業均存在良莠不齊，「律師有律師流氓，立法會有立法會垃圾，新聞界有敗類，好多地方都有敗類，唔通可以有優質律師、優質警察？」他承認，現時有部份的士司機服務差劣，甚至有「黑的」存在，但斥政府未有認真打擊黑的，反而推出專營的士計劃，令業界飽受影響。
自詡服務優質
另一的士司機黃先生表示，新增專營的士將會令行內競爭更激烈，「餅係得咁大，多咗人爭飯食，業界壓力仲大」。他指農曆年後生意額已下跌，擔心投入600輛專營的士後，預料再減少約10%生意額。他稱最壞打算是退出行業，「冇得做，就唔做車，但都唔知有咩好做」。
從事的士業40多年的梁先生稱，現時業界已開始提供優質服務，增設如GPS、充電等服務，亦有改善與乘客溝通的態度，「根本禮貌上我哋都做到，我揸咗幾十年的士，我亦都喺旅遊協會曾經受訓過，教我哋英語啦，Hello! Good morning Sir，得㗎，冇問題㗎！」
■記者紀靜雯