由愛瑪屈臣（Emma Watson）主演的迪士尼電影《美女與野獸》（Beauty And The Beast），因加插了男僕人和男主人的同性戀劇情，上映前已引起話題。前日有教會學校向學生發通告，以「神不喜悅同性戀」及「守望孩子」，要求簽收回條，變相呼籲家長杯葛電影，迪士尼對事件不作回應，而學校方面未有回覆。不過事件似乎未影響《美》片的票房，前日香港首日上映，單日票房有407萬港元，不單成為開畫日同單日票房冠軍，更是前日唯一過百萬票房的電影。
黎諾懿撐同性戀
快將榮升爸爸的黎諾懿，昨日在又一城出席活動，被問到《美》片真人版電影加插了同性情節，他說：「呢方面冇得逼，新世代要接受，同性無論男男、女女，我覺得要保持開放，如果我個仔係咁，我會欣然接受，最緊要佢開心，佢哋又冇害人，我好多同性嘅朋友非常好人。」
趙哲妤女跟母姓
剛為人母的趙哲妤昨日在北角拍攝網上節目，透露女兒已改名叫趙真羽。事後她接受本報電話訪問，表示支持社會有類似《美》片的題材，她說：「只要家長指引，喺旁邊解釋畀小朋友知，呢個係好深嘅性教育題材，𠵱家票房好，證明社會嘅人open mind，接納到。」楊思琦曾不贊成迪士尼故事加入同性戀情節，擔心影響小朋友想法，想不到思琦明日卻出席於九龍灣星影匯戲院舉行的電影舞蹈工作坊表演暨電影《美女與野獸》欣賞，就連高皓正亦出席支持。
另外，艾威和林熹瞳前晚到銅鑼灣街頭賣唱，宣傳《我老婆未結婚》。艾威笑言：「票房告急，今日可能得30張飛賣咗啫，街頭賣唱都做埋。」
採訪：王連連、盧妹
攝影：陳慧安
