Nike Hyperdunk 2008 FTB在強國被揭發原來冇Air，與宣傳中後腳掌內置zoom air的描述不符，買家可以獲退回原價（1,499人仔）之餘，更會另賠3倍價錢，即4,500人仔，唔知俾著你有對鞋，你又會唔會狗衝去退錢呢？
其實「FTB」全名係「Fade To Black」，係2016為記念Kobe最後一季NBA比賽而推出的波鞋系列，全套共有13對鞋，包括Kobe 1至11代，及Kobe有正式簽名鞋前所穿的Huarache 2k4和今次出事的Hyperdunk 2008。不少鞋迷Kobe迷都係成set咁儲，少一對應該幾多錢都補唔番。不過這系列初推出時炒風雖強，但近期已大大回落，在eBay或波鞋網搜尋，Hyperdunk 2008 FTB大概都是港幣$2,000左右，最貴都係港幣$3,000，所以計落退完5,999人仔（1,499+4,500人仔），再上網買番都仲有好多賺，絕對值得一退。不過當然仲要睇下你手上嘅係咪罕有size，亦要承受網上可能買到假鞋的風險喇。
記者：韓繼聰
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily
