【上水兩死車禍】
【本報訊】本周二上水馬會道凌志房車失事起火釀兩死一傷慘劇中，事發前在祥華邨下車逃過一劫的阿聰，自言不覺得自己僥倖，反而對好友遭逢不測感到難過，連日來徹夜難眠，更內疚自責：「如果我喺車上，或者會幫到手……」
31歲的阿聰姓林，他指車禍至今「晚晚冇乜點瞓」。《蘋果》記者見他容顏憔悴，更不時看着手機中故友的舊照，耿耿於懷。阿聰訴說與車禍中死者陳俊傑（30歲），是相識十多年的老友，以前同是電訊公司銷售員，其後轉為寬頻公司師傅，最後他自己開公司，阿傑轉做文職。雖然各奔前程，但兩人仍不時相約食飯或打桌球，未料一場車禍奪走摯友寶貴生命。
「喺車上或幫到手」
車禍當晚，阿聰與阿傑、另一位拍檔霍雅倫（40歲）及工程判頭郭原生（37歲）一起消夜後，同坐屬於郭的一輛凌志返家。當時郭負責開車，至祥華邨阿聰先下車，其餘3人則繼續往上水，至馬會道失事撞車起火。阿傑和郭活活被燒死，霍及時逃生，燒傷送院。
阿聰自責：「如果我喺車上，或者會幫到手，或者同佢哋傾偈，佢哋唔會瞓覺，可能控制到唔會發生呢件事……」現時他最擔心阿傑一家頓失依靠，他透露阿傑的妻子育有兩女分別僅1歲及3歲，呼籲各界捐助兩死者的家庭。對警方曾誤認霍是司機把他拘捕，其後證實他是乘客將他無條件釋放，阿聰亦為霍不值：「唔好再怪佢，佢都係受害者，佢親眼睇住救唔到兩個朋友已經好自責。」
■記者唐家輝