國師陳雲自從輸咗立法會選舉，原本話會退出政圈，但佢不單止冇退，仲變咗做hater，追住青政、港獨派嚟打，好似噚日3名參與旺角騷亂人士被判刑入獄，國師不但冇同情，仲喺fb分享一篇爆粗鬧嗰3個人嘅帖文，話人做乜要去坐政治監，為乜唔走去申請政治庇護。
國師fb分享嘅帖文先鬧3人「點解D人寧願坐十年政治監，都唔X去政治庇護走人？你真係覺得自己犯法有罪要坐監咩？X你老母」，之後又話佢哋走入外國領事館尋求政治庇護，將事件變外交事件，法庭就會擱置政治審訊，令件事不了了之。不過有網民將國師嘅帖文周圍貼，笑佢當領事館係酒樓咁，求其話申請政治庇護人哋就會畀個位你，萬一俾人趕走甚至報警點算？亦有網民講笑話，反正國師只係齋噏，有人聽佢咁講去做，衰咗佢咪又當自己冇講過囉，反正唔係第一次！