古巨基前晚在九龍塘浸會大學會堂舉行「Salute To Dear Leslie」演唱會，向已故殿堂級歌手張國榮（哥哥）致敬，當年哥哥第一個演唱會亦在這個地方舉行。基仔先後唱出哥哥的金曲《由零開始》、《有誰共鳴》等，又將哥哥的《H2O》、《無心睡眠》等快歌變成串燒歌。
開場時，基仔找來二十多位哥哥的fans同台合唱《共同渡過》，他說：「舊年哥哥60歲生忌嘅時候，佢嘅fans請我出席咗幾場活動，發現好多哥哥嘅珍貴物品需要保留同修復，都係需要人力同物力，所以自己盡一份綿力，今晚演唱會同埋出碟嘅所有收益都會捐畀哥哥嘅歌迷會。」
抽吳克儉水
其間基仔又借題發揮笑教育局局長吳克儉：「我噚晚專登翻睇《金枝玉葉》、《霸王別姬》，我同局長可以睇好多書一樣，可以睇好多戲。」尾聲時，基仔在台上喊，他說本來不想令氣氛太沉重，但最後都是忍不住。騷後基仔受訪，指自己太投入所以喊：「呢排係咁煲哥哥戲，知道有好多佢嘅專輯同作品要保存，放地方都要錢，自己盡綿力，今次係義演。」
採訪：曹家誠
攝影：仇志德
