無綫編審岑應炮製過不少話題節目，前作有《求愛大作戰》、《盛女愛作戰》等真人騷，到近期的《有樓萬事足》，當中被訪少女Seasun一句「有樓就有高潮」引起迴響。螢幕背後剛過40歲的岑應，近日炮製自家大事，入紙跟消防員男友結婚，擺脫盛女行列。同為無殼一族的二人，婚事及度蜜月從簡，目標是先租屋再儲首期買樓，《有樓萬事足》或多或少是岑應本人寫照。
讚男友顧家
入紙準備拉埋天窗的岑應，在擬結婚通知書上報稱任職電視製作人，未婚夫是比她年輕4歲、任職消防員的蔡明曦。他在去年九龍灣時昌迷你倉四級大火中表現優異，曾跟同袍到禮賓府接受「行政長官公共服務獎狀」。岑應與未婚夫報住同一地址，相信已共賦同居。岑應接受傳媒訪問時提及求婚經過，她說：「佢喺上年一個朋友聚會入面同我求婚，同佢拍咗4年拖，鍾意未來老公夠高大威猛，外形對我好緊要，同埋佢好錫我，亦都好顧家，同佢一齊好有安全感，溝通相處亦都冇問題。」岑應透露婚禮從簡，兩家人食飯就可以，因為要省錢買樓。
承認年紀大
其實岑應和男友拍拖時已儲錢，但都追不到樓市升幅，她說：「結婚唔會擺酒啦，結婚相同honeymoon旅行都未必，儲吓錢好過，兩家人食餐飯就算。對我嚟講，揀老公外形同溝通都最緊要，自己年紀都一大把，搵塊鏡照吓都知，對方有一、兩個優點已經好好。生BB就會隨緣，會諗吓。」講到老公是九龍灣時昌迷你倉的救火英雄，她回想當時擔心了一晚，試過提議男友借尿遁，但被斬釘截鐵拒絕。不過有網民留言認為，紀律部隊人員婚後可以申請宿舍居住，已較一般冇樓一族幸福。
採訪：王梓嫚