下星期香港將會充滿藝術氛圍，事關一年一度Art Central與Art Basel將會先後舉行，緊接會有各大拍賣行舉行春季拍賣。香港蘇富比4月2日舉行一場當代藝術晚拍，就有一幅Pop Art大師Andy Warhol喺1973年創作嘅《毛主席》，估值介乎9,000萬至1.2億元。
香港蘇富比呢場晚拍，向來只賣亞洲藝術作品，今次因應市場需求，50幾幅拍品當中，有8件係西方作品，估值最貴就係《毛主席》。
華置（127）大股東劉鑾雄（大劉）曾於2006年越洋喺美國紐約佳士得一場拍賣會，以1.3億元投得Andy Warhol《毛澤東》，成為一時佳話。蘇富比今次在港拍賣Andy Warhol作品，唔知大劉會否儲多幅呢？