「輸在起跑線，贏在終點線」可說是神駒巴基之星的奇蹟戲碼，去年7月首次在港出賽，出閘包尾卻在最後400米突然發力奪冠，瞬間成為馬場巨星。馬主丁志強以馬喻人，「人又好、馬又好，要專注努力，一步一步嚟，唔好急」，他說購入巴基之星時，未曾想過牠能獲選參與本地馬壇的一生一次至高榮譽賽事──將於周日（19日）舉行的香港打吡大賽。
巴基斯坦裔馬主丁志強自80年代起養過7匹賽駒，他「隻隻都鍾意，但巴基之星係特別啲，起碼整到你哋香港人個個都咁開心」。記者着丁志強為這匹「特別啲」的愛駒評分，如果10分滿分，他說初見巴基之星時，只給牠2至3分，「係人見到我都講，佢真係唔聽話，你真係頭痛」。
告東尼出招 神駒「收脾」
這匹馬不只成績突出，性格更突出，「你叫佢行前，佢就企咗喺度」、「隻馬有怪脾氣，好多練馬師話好難搞」，結果短短一個月後，丁志強已評牠3至4分，「到副練馬師開始叫我餵佢，有5至6分，今日帶你哋去睇佢，我畀足10分」。告東尼馬房用一年時間馴服這位性格巨星，用眼罩及耳套令巴基之星安定專注，「你見佢出閘唔得，一年內，你見佢出閘越來越好。搞得掂怪脾氣，自然會聽你講，畀你訓練，脾性唔會冇得改，係有冇用啱方法改」。
丁志強去年以600萬元購入巴基之星，「我當初預800至1,000萬，600萬係好好嘅價錢買到呢隻馬」，始料不及巴基之星至今於本港8場賽事中，已獲得3場冠軍及3場亞軍，現時總獎金已獲逾680萬元，愛駒亦間接為丁志強帶來不少生意機會。今次參與打吡大賽的14匹賽駒中，巴基之星的評分排第2，獲100分，僅次於獲114分的佳龍駒，狀態甚佳。
丁志強雖是巴基斯坦裔，但他生於香港，自言是正宗香港人，更以巴基之星勉勵香港年輕人「最緊要你有心、努力、向前、勤勤力力，好似跑馬咁，你估佢唔想跳出嚟、走喺前面、贏番嚟咩？唔係，佢係要逐步逐步嚟」，他亦直言對愛駒有信心，「梗係望佢贏，不過唔好忘記仲有13隻，人哋都有預備打吡」。
■記者梁佩珊