關之琳前年怨劉嘉玲跟其前夫陳泰銘相約行山，兩女終反面收場，昨晚她們到灣仔出席活動，被安排齊坐主家席，兩人相隔5分鐘到場，問之之跟嘉玲同枱會否尷尬，能否做回朋友？她說：「順其自然啦，將來嘅事，我都淡化咗，最重要係舒服，都兩年啦，我已經放下。」會否主動傾偈？她說：「睇吓點坐，但唔會特登合照，咁肉酸。」對於舊愛劉鑾雄健康不穩，之之說：「其實冇聯絡，希望佢嘅身體唔係講到咁差啦。」
嘉玲被問到有否見到之之？她說：「仲未呀，唔會尷尬，都咁大個人。」會否搵和事老？嘉玲說：「唔好將事件化大，撩是鬥非，自己想淡化件事，想健康快樂，順番條氣。」同場問向佐對弟弟向佑罪成入獄是否傷心？他說：「我得一個細佬，大概知呢個結果，冇得唔服。」
採訪：羅慧敏
攝影：沈健程
