巴洛迪利(圖)家陣喺法甲尼斯踢緊,周三舊會曼城作客法國,呢位射手都有去捧場,點知做咗黑腳,見證舊會出局。巴神最近受訪嗰陣話,佢初出道時被巴塞險簽過:「我差啲去巴塞,但嗰陣球會想要多啲錢。」雖然巴神冇開名,但應該係講緊國米。巴神繼續講佢嘅球員生涯,「曼城係夢想天地,好有意大利氣氛,但唔好要我講利物浦,唔該晒。」