林鄭月娥在選舉論壇中，聲稱若港人主流民意不支持她做特首，就會辭職，引起政圈譁然，而林鄭翌日立即補鑊「主流民意」並非指民望，但又未有解釋何謂「主流民意」。有政界中人指，林鄭提「辭職」論犯正北京大忌，而她將辭職與「主流民意」掛了鈎，等同為民主派設靶，「日後民主派就可執住『主流民意』4隻字發動群眾運動，林鄭未來5年施政，隨時難行過梁振英」。
等同為民主派設靶
該政界人士揶揄林鄭提辭職論，真的如自掘墳墓無異。他指北京最不滿就是任何特首妄談辭職，他指政圈廣泛流傳一個公開秘聞，北京所以對前特首曾蔭權不滿，認為他「信唔過」，就是在政改一役中，曾向中央稱，若他任內兩次政改也不能通過，他亦難再做特首，只有辭職，有傳曾辭職論被視為要脅中央，亦令曾不再獲北京信任。
他指林鄭作為前政務司司長，竟自行為何時辭職開出條件，正犯了北京大忌，「北京會諗，妳林鄭日後會唔會用『主流民意』支持，逼北京妥協，否則就會辭職㗎！」他估計林鄭也知「大鑊」，所以翌日急急補鑊，特別提到特首要同時向中央及特區負責，「即係辭職與否唔到佢話事」，但此事已令中央看到，林鄭政治智慧有多高。
有民主派中人則指，林鄭把辭職與「主流民意」掛了鈎，「咪即係為民主派整定個靶，日後針對住『主流民意』4隻字做嘢」，他又揶揄林鄭指「主流民意」並非民望，又是另一自掘墳墓做法，「妳話主流民意唔等於民望，咁民主派咪動員市民上街！如果50萬、100萬人上街都唔係主流民意、咁咪再佔中！如果佔中都唔係主流民意，係咪要搞到罷工罷課，先叫『主流民意』？」
季陶
周一、三、五刊出